Móm dlo was dalszy programek z serii Portable (czyli przenośne) Zaolzie Edition (czyli dwujynzyczne - PL, CZ). Tym razym sóm to dwie wersje Mirandy - programu do komunikacji po internetu, kiery umiy wykorzystywać różne protokoły (np. ICQ, Gadu-gadu, Jabber, Gtalk, Yahoo, ...). Je mały, rychły a dostosuje se maksymalnie do waszych potrzeb. Zapraszóm do ścióngania!
Pióntek, 29. 9. 2006
Forum.
Forum je do waszej dyspozycji! Możecie tam dyskutować o czym chcecie. Ono to forum pierwotnie miało być yny tymu aby se grajkowie na bymbnach mógli miyndzy sebóm domówić, ale stwierdziłech, że jak uż tak porzóndnie. Jakby kiery chcioł skorzystać z fora (mocie jakisi strónki o nas czy po naszymu a chcecie aby se odwiedzajóncy mógli wypowiedzieć), tak wóm stworzym ekstra sekcje, mogymy potworzyć grupy. Jesi by np. gimpel chcioł dyskutować a mieć na to swoje miejsce - nima problem, skontaktujcie mnie na xyz@gmail.com (antispam: xyz czytaj jako ernierasta).
Niedziela, 17. 9. 2006
Po dłóższym czasie.
Tak zaczynóm zaś pracować na PZ (Portal Zaolzie). Na razie na sucho, także wyniki nie bedóm tak zaroz widać, ale przigotowujym pore nowych wiecy, na razie żech eszcze nie załatwił system zdobywania informacji do sekcji Kultura, także jesi robicie jaki imprezy, tak dejcie znać!
Sobota, 16 września 2006
Linki, inaczy nic moc ;-)
Pracujym dzisio na tłumaczyniu programu Filez na PalmOS, także nie zbyło czasu na nic inszego, uż bych troch chcioł rozjechać tyn software, ale teraz mie aż do Górolskigo Świynta nie beje, także upgrade jedynie z Palma (a to nie wiym, czy w Krakowie czy potym w Wiśle chytnym jakigo free hot-spota). Widzym to jedynie na tłumaczyni w wolnym czasie. Inaczy zapraszóm do Wisły na Tydzień Kultury Beskidzkiej. Je dość komercyjno imprezka, ale jo sie tam bawiym każdego roku dobrze.
Sobota, 29. 7. 2006
Sekcja Kultura.
Tak se bez Kultury jednak nie obyndymy :-). Bedóm se tam pojawiać newsy o imprezach na Zaolziu, albo zwiónzanych z Zaolziym, Zaolziakami, itd.
Czwortek, 27. 7. 2006
Sekcja PalmOS.
Zaś przibyło linków. Przidołech sekcje o PalmOS. W PalmOS bedym publikowoł opensource (albo freeware) programy na Palma przetłumaczóne na polski a czeski jynzyk. A że żech na netu na razie nie naszeł nikogo gdo by se bawił z tłumaczyniym tych aplikacji, tak to beje prawdopodobnie jedyne miejsce, z kónd to pudzie zegnać. Móm nadzieje, że se to po czasie nalinkuje tak, że to nóndóm ci, kierzi bedóm chcieć to nónść. Ja a chciołech fest podziynkować Wacowi, kiery mi tu fórt dociepuje linki, poprawio błyndy, atd. - "Dziynka Waco!"
Czwortek, 27. 7. 2006
Sponsors
Statystyki.
Tak
uż by to mógło jechać normalnie, także uwidzymy. Blokłech swojóm IP,
abych to fórt nie przetoczoł, a tak je możne, ze to nie beje rachować
ludzi z Silesnetu, no ale to se do prziszłości wykómbinuje.
Środa, 26. 7. 2006
Jakisi linki, portable openoffice ze sóm do ścióngniyncia!
Pumału
przibywo linków. Bawiym se counterym a shoutboxym, oby dwie wiecy
bedóm, ale piyrsze to muszym wychytać. W shoutboxie je problem z pl
znakami (no przinejgorszym se beje pisać po hotentocku :-), a eszcze
nie wiym kaj go walnym. Counter je na razie ganc gupi, bo mi rachuje
ilość naczytań danej strónki (także sóm przi testowaniu bych natoczył
50 dziynnie). Beje słownik! mioł by tłumaczyć "po naszymu" (czyli gware zaolziańskóm) na czeski a puźni możne aj na polski, tak se cieszcie :-). OpenOffice uż sóm na serweru, tak cióngcie kiery chcecie!
Środa, 26. 7. 2006
Praca wrze :-)
Uwidzymy
jak se nóm to wszycko rozjedzie, jak se mi podarzi uploadnyć
OpenOfficy, tak to beje super. Rozjadym eszcze sekcje z programami pro
Palma a dali uwidzymy, możne by to chciało aj ciepnyć po polsku a po
czesku aż to je uniwerzalniejsze, ale to by se mi musiało chcieć. :-)
Dorobiym linki, jakby gdo mioł jaki napad na odkaz tak piszcie do guestbooku.
Wtorek, 24. 7. 2006
Pore linków gotowych.
Tak cosi uż móm, jak beje czas tak nachybiym dalsze. A je ich wbrew pozoróm dość.
Poniedziałek, 24. 7. 2006
Witóm.
Witóm! Tytu strónki bedóm poto, abyście bez problemu naszli software
(głównie opensource), kiery jako Zaolziocy wyużyjecie.
Fest żech
rozmyśloł czy to pisać po polsku, czy po naszymu, ale stwierdziłech, że
je trzeba ukonstytuować te naszóm gware aj na internecie. A że je
problem z gramatykóm a słownictwym (no bo każdy mówiymy a zapisujymy
kapeczke inaczy), to wszyscy wiymy, tak se na mnie nie gniywejcie, jak
se wóm ty teksty bedóm zdać dziwne.