QUR'AN

  قَالَ اللهُ عَزَّ وَ جَلَّ : (( قُلْ إِنَّ الْمَوْتَ الَّذِي تَفِرُّونَ مِنْهُ فَإِنَّهُ مُلَاقِيكُمْ ثُمَّ تُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ )) الجمعة : 8

Sabi ng Allah SWT: “Sabihin mo (O Muhammad!) Katotohanang ang kamatayan na inyong tinatakbuhan ay katotohanan na ito’y sasalubungin kayo. At pagkatapos ay ibabalik kayo sa (Allah) higit na nakakaalam ng ghayb (hindi nakikita) at ng nakikita, at ipapaalam Niya sa inyo ang dati ninyong ginagawa (sa mundo).”

HADITH

   عَنْ عَبْدِ اللَّهِ قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " عَلَيْكُمْ بِالصِّدْقِ فَإِنَّ الصِّدْقَ يَهْدِي إِلَى الْبِرِّ وَإِنَّ الْبِرَّ يَهْدِي إِلَى الْجَنَّةِ وَمَا يَزَالُ الرَّجُلُ يَصْدُقُ وَيَتَحَرَّى الصِّدْقَ حَتَّى يُكْتَبَ عِنْدَ اللَّهِ صِدِّيقًا." رواه مسلم

  Sabi ng Rasulullah SAW: “Obligasyon ninyo ang katapatan, dahil ang katapatan ay naghahatid tungo sa kabutihan, at ang kabutihan ay naghahatid tungo sa Paraiso. At sa patuloy na pagiging tapat ng isang lalake at kanyang layunin ito hanggang sa siya’y itatala sa harapan ng Allah bilang isang labis na matapat."  -Muslim

Riyadh

Manila

ANG LIMANG HALIGI NG ISLAM  :
 1. Ang Pagsasaksi na katotohanang walang sinumang diyos na dapat sambahin maliban sa Allah.
 2. Ang pagsasagawa na Salah.
 3. Ang pagbibigay ng Zakat.
 4. Ang pag-aayuno sa buwan ng Ramadan.
 5. Ang Hajj.
ANG ANIM NA HALIGI NG IMAN(PANANAMPALATAYA):
 1. Ang pananampalataya sa Allah,
 2. at sa Kanyang mga Anghel,
 3. at sa Kanyang mga Aklat,
 4. at sa Kanyang mga Sugo,
 5. at sa Huling Araw,
 6. at pananampalataya sa Kapalaran, na ang mabuti at masama ay galing sa Allah.
ANG IHSAN O                          (PAGPAPAKABUTI) :
 Na sambahin mo ang Allah na para mo Siyang nakikita, at kung hindi mo Siya nakikita ay katotohanang nakikita ka Niya. ****************************






 

ANG IYONG ORAS
 ni : Abdul Karim Bustamante
 
Ikaw ba ay kabilang sa mga nag-aaksaya
Ng bagay na sa yaman ay higit pang mahalaga?
Pagkat kung lumipas, di na muling ma’babalik pa
Sa iyong buhay, kabawasang maituturing na
 
Mahalagang bagay na sa’yo’y pinagkatiwala
Na dapat mong gamitin sa gawang kaaya-aya
Kalugod-lugod sa paningin ng sayo’y Lumikha
Kung pa’no mo ginamit, tiyak na tatanungin ka
 
Ika’y makinabang sa bawat hulog ng patak niya
Dapat mong maramdaman, kaiksian at bilis niya
Pagkat anuman ang gawin, pigilan siya’y di kaya
Lilipas at lilipas hanggang ika’y yumao na
 
Buhay mo ba’y mahaba sa iyong pag-aakala?
Kaya’t ginugugol sa makamundong pagnanasa
Kamatayang darating, di mo inaalintana
Di nag-iipon ng baon ng iyong kaluluwa
 
Ang iyong oras, huling pagpitik niya’y batid mo ba?
Di ba’t ito’y inilihim upang magmadali ka
Sa paggawa ng mabuti’t pag-iwas sa masama?
Nang pagharap mo sa Hukuman, ika’y laging handa
 
Nais mo bang mapasama sa mga masasama
Na sa harapan ng Lumikha, sila’y nagdurusa?
Nagnanais bumalik kahit sandali sa Lupa
Upang tup’din ang layon kung ba’t sila ay nilikha
 
Kanilang kahilingan ay di na pakikinggan pa
Bagkus kaparusahan, naghihintay sa kanila
Sila ay yaong nang nasa Mundo’y nag-aaksaya
Buhay ay di ginamit upang sundin ang Maylikha
 
Iyo bang nasisiguro, nagawa mo’y sapat na?
Sapat na upang maligtas sa matinding parusa?
Pa’no kung iyong sala’y higit na matimbang pala?
Dapat magmadali, kabutihan ay dagdagan pa
 
Anak ni Adam, hibla ng oras mo’y mahalaga
Tanungin ang sarili, saan mo ba ginugol siya?
Sa gawain bang mabuti sa paningin ng Allah?
O sa gawang masama, kasawian ang hatid niya?
 

KATAPATAN : Ang isang tunay na Muslim ay nararapat na maging matapat sa kanyang pananalita at mga isinasagawa. At siya rin ay kailangang maging tapat sa kanyang sarili, sa kanyang kapwa maging Muslim man ito o hindi, maging kapamilya man niya ito o hindi, kakilala man niya o hindi ay nararapat na maging tapat siya sa kanila.. At higit sa lahat ay kailangan niyang maging tapat sa kanyang Panginoong Allah. Dahil alam ng isang tunay na Muslim na ang katapatan niyang ito ang siyang magdadala sa kanya sa tagumpay dito sa mundo at sa Kabilang Buhay. At ito rin ang magdadala sa Kanya papasok ng Paraiso, gaya ng pagkakaalam niya na ang pagiging hindi tapat ang siyang magdadala sa kanya sa kapahamakan at magdadala sa kanya patungong Impiyerno.