AYAT SA QUR'AN

  قَالَ اللهُ عَزَّ وَ جَلَّ : (( يَا بُنَيَّ أَقِمِ الصَّلاَةَ وَ أْمُرْ بِالْمَعْرُوْفِ وَ انْهَ عَنِ الْمُنْكَرِ وَ اصْبِرْ مَا أَصَابَكَ إِنَّ ذَلِكَ مِنْ عَزْمِ الأُمُوْرِ )) سُوْرَةُ لُقْمَانَ:17

  Maana o katharo o Allah sa Surah Luqman:17 "Hai ikaritan ko! Pamayandegen ka so sambayang, go sogo-on ka so mapiya go saparen ka so marata, phantang ka ko apiya antona a minisogat reka. Mataan a giyoto man na ped ko mailot a mga sogowan."

HADITH

  عَنْ أَبِي هُرَيْرَةَ رضي الله عنه
عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ :" مَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيَقُلْ خَيْرًا أَوْ لِيَصْمُتْ وَمَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيُكْرِمْ جَارَهُ وَمَنْ كَانَ يُؤْمِنُ بِاللَّهِ وَالْيَوْمِ الْآخِرِ فَلْيُكْرِمْ ضَيْفَهُ." رواه مسلم

  Miyakapo-on ki Abu Hurayra (Miyaso-aton so Allah) a pitharo iyan : Pitharo o Rasulullah (SAW) :  " Di kano pendedengkiya, go di kano pelalalonga (ko kandagang), go di kano pekhakararangita, go di kano pethatalikhoda, go di salipawi o saba-ad so di-i phasa-an o sabagi, sa baloya niyo so manga ginawa niyo a manga oripen o Allah a magariyari, so muslim na pagari o muslim.              - Piyanothol i Muslim.

Riyadh

Marawi

SO LIMA ROKON O ISLAM :
 1. Kasaksi a mata-mataan da tohan a patot a pesimba-an inontabo so Allah, go mata-mataan a so Muhammad na sogo o Allah.
 2. So kitendegen ko sambayang.
 3. So kibegan ko zakat.
 4. So kaphowasa ko Ramadhan.
 5. So Hajj.
SO NEM ROKON O IMAN :
 1. So paratiyaya ko Allah go,
 2. ko mga Malaikat Iyan,
 3. go ko mga Kitab Iyan,
 4. go ko mga Rasul Iyan go,
 5. go ko Alongan a Maori go,
 6. go so mapiya go marata a okoran na pho-on ko Allah.
SO IHSAN (KAPHIYA-PHIYA) :
 So kasimba-angka ko Allah sa datar obangka Sekaniyan phekailay, na odingka Sekaniyan phekailay na mata-an a Sekaniyan na pephagilayingka Niyan. ****************************






 

Totholan ko masa o Rasulullah (SAW) :
Aden a sakataw a Arab, miyaka- soled sa masjid na misambayang sa dowa raka-at a Sunnah, na miya ilay o Rasulullah (SAW) a adna miyakaito-ito a da masogata ig ko panintilan iyan na pitharo-on o Rasulullah (SAW) a : “Hay Arab na pagabdas ka pharoman na goka sambayang ka mata-ana daka makasambayang.
Ped a khasabot sa thotholai na kinanglaan ko omani Muslim a barasimba a ka impidanyan so abdas iyan sa mainengka iyan so manga darpa a pagabdasan ka kanogonyan so sambayang amai ko ditarima-an o Allah na sabap sa dama-abdas so ped ko darpa a pagabdasen.
Inungka angka so mga anggaota a-miyatendo a pagabdasen, goso ka atora phiya-piya ko kapagabdas ma-ana kaona-an so pagona-an na maori so phakaorin so ka-abdasaon.
Miya panothol a aden kon a Muslim sa masa tanowa-i a miyaka lendo ron so omor iyan na daniyan den masowa so thitho a kapagabdas, na panamarantano a masowa so kapagabdas ka giyanan i gonsi o sambayang, ma-ana ditharima-ano Allah so sambayang o da-a abdas iyan.
 

Mga Karibatan si-iko Paratiyaya ( Aqidah ) :
 1. So katharoa ko “Tabiya sa malaikat" igira-ana ikharang a pali, aya patot a phanabiya an naso so Allah .
 2. So katharoa ko “phamakineg a arowakiyan” igira a pagalowin so miyawapat, si-i anan phoon a kupit ko mga Hindostan ( India ).
 3. So kashokna sa marata ko kaoni a tagetek odina papanok odina si-i ko mga ped a gawi-i go olanolan, odi naso dikataros o melalakao igira a miyakamba-an.
 4. So kasong ko paririmar, aya pen oba paratiyaya-a so rimaraniyan ka minirim-bang ko Allah sii ko  katawi ko miga-gaib.
 5. So kasolot sa apiya antona-a adimat, melagid o wata anta aka mala tao, sabap sa ron kitaalok so poso a salakao ko Allah.
 6. So karaga-i ko apiya antona-a mala i arga a pagigimo, odi na tamok, lagid o ka-sombali-i sa manok ko trak sa ron piyaka toga so rogo-iyan, ka giyanan na kapanakoto si-iko Allah, ka da-a pelindongan a rowar si-i rekaniyan a Allah.
 -Alim Abu Adib