Dok i Save Singsing

Ating Nu Gini em i nambawan ples long ol bikhet saintis. Bilong wanem? Sapos yu tingting yu save inap, wanpela abus o pulpul o binatang long Nu Gini inap long bagarapim tingting bilong yu.  Em i pasin bilong Nu Gini, em i pasin bilong Bikpela.

Ating yu save stori long taim Bikpela i tok long Adem, na nambawan wok bilong Adem, bipo Eb i stap yet, Bikpela bringim ol abus na binatang i go long Adem na Adem givim nem long ol.  Em i olsem nau.  Yumi save givim nem long olgeta samting long olgeta tokples.  Dispela samting i no nupela samting.  Em i samting long laik bilong Bikpela.

Na long ples bilong saiens long laip (Baiologi), wanpela man long longtaim bipo usim tok Grik na Latin long wokim nem long ol abus na pulpul.  Nem bilong dispela saientis Linnaeus.  Em i bilip long Bikpela.  Nau planti saientis i bihainim dispela. Nem bilong dispela i Taksonomi.  Dispela Taksonomi i wok olsem long bikpela i go long liklik:

• Kingdom
• Phylum
• Class
• Order
• Family
• Genus
• Species

Olrait.  Nau bai mi usim Singsing Dok long shoim hausat dispela Taksonomi i wok.

• Kingdom (Animalia--dispela i olsem ol abus i save kisim kaikai; ol i no inap long wokim kaikai)
• Phylum (Cordata--dispela Animalia i gat bun long baksait long het i go long as)
• Class (Mammalia--dispela i gat susu i go long pikinini)
• Order (Carnivora--dispela i save kaikaim arapela abus)
• Family (Canidae--tit bilong dok, han i olsem dok)
• Genus (Canis--dok)
• Species (dispela i laik bilong saientis.  Sapos yu lukim narapela kain dok, bai yu inap long mekim nem.  Em i laik bilong yu.)

Olrait.  Yu inap lukim Singsing Dok na yu save em i Animalia i go daun long Canis.  Wanpela saientis, i givim nem long Singsing Dok Canis hallstromi, nem bilong Genus na nem bilong Species, olsem nem klostu long Sir Edward Hallstrom, wanpela hetman long haus abus Taronga.

Tasol ol saientis i no wanpela long dispela nem.  Sampela i givim nem Canis familaris hallstromi (familaris--olsem dok i no wail), sampela i givim nem Canis dingo hallstromi (klostu dingo long Australia).  Tasol ol saientis i no lukim Singsing Dok long wail.  Ol i no save haus o olgeta samting bilong Singsing Dok.  Ol i lukim dok long haus abus tasol!