tomo pi jan Ke
ale li pona
toki sewi sona
o kama sin a!
ijo pi palisa sewi (Signum Crucis)
lon nimi pi mama en mije lili en kon sewi.
ni li nasin.
tan jan Ke
mi sona (Credo)
mi sona e jan sewi. ona li mama suli
li jan pali pi sewi kon en ma.
mi kin sona e jan Jesu Kolisi.
ona li mije lili wan ona li jan sewi pi mi mute.
kon sewi li pali e ona.
jan sin Malija li pana e ale tawa ona.
jan Ponsijopilate li pakala e ona.
ona li lon palisa moli li moli li tawa lon anpa.
ona li tawa lon anpa moli.
tenpo suno tu wan la ona li kama sin tan anpa moli.
ona li tawa lon sewi kon li lon poka pi jan sewi. ona li mama suli.
ona li kama sin tawa ante e jan ale en jan moli.
mi sona e kon sewi e tomo pi nasin sewi ale Kolisu,
e toki pi jan pona sewi
e weka pi pali ike
e ale sin tawa sijelo
e ale lon tenpo ale.
ni li nasin.
tan jan Ke
mama pi mi mute o (Pater Noster)
mama pi mi mute o,
sina lon sewi kon.
nimi sina li sewi.
ma sina o kama.
jan o pali e wile sina lon sewi kon en lon ma.
o pana e moku pi tenpo suno ni tawa mi mute.
o weka e pali ike pi mi mute. sama la mi mute li weka e pali ike pi jan ante.
o lawa ala e mi mute tawa ike.
o lawa e mi mute tan ike.
ni li nasin.
tan jan Pije
ante tan jan Ke
jan Malija o, toki! (Ave Maria)
jan Malija o, toki!
sina jo e pona.
jan sewi li lon poka sina.
sina pona mute poka meli ante.
jan lili lon insa sina li pona poka jan Jesu.
jan pona sewi Malija a!
mama pi jan sewi o
toki tawa jan sewi tan mi mute
lon tenpo ni en tenpo moli pi mi mute.
ni li nasin.
tan jan Ke
o toki e pona (Gloria)
o toki e pona tawa mama en mije lili en kon sewi
sama tenpo pini en tenpo ni en tenpo kama lon tenpo ale.
ni li nasin.
tan jan Ke
jan Jesu o a! (anu toki Pasima)
jan Jesu o a!
o weka e pali ike pi mi mute.
o lawa e mi mute tan seli pi anpa seli.
o lawa e jan ale tawa sewi kon.
ona mute li kin wile e pona sina!
tan jan Ke
nasin toki Losali
toki Losali li pona mute tawa jan ale pi nasin Kolisu tan ni: jan li kama sona e ale e mole e ale sin pi jan sewi Jesu. mi olin mute e jan Jesu tan nasin toki Losali.
nimi Losali li tan toki Lasina. ona li toki e ni: kulupu anu sike lawa pi kasi kule loje. jan li pana e sike lawa pi kasi kule loje tawa mama Malija tan ni: ona li pana e ni tawa noka pi jan sewi Jesu, tawa mije lili ona.
nasin toki Losali li lon.
1. o toki li pali e toki "ijo pi palisa sewi"
o toki e toki "mi sona"
2. o toki e toki "mama pi mi mute o"
3. tenpo tu wan la o toki e toki "jan Malija o, toki!"
toki pi nanpa wan tawa sona pona. toki pi nanpa tu tawa awen pona. toki pi nanpa tu wan tawa olin pona.
4. o toki e toki "o toki e pona"
5. o sitelen sona e sitelen sona pi nanpa wan.
o toki e toki "mama pi mi mute o"
6. o toki e toki "jan Malija o, toki!." o sitelen sona kin!
7. o pini lon toki tu "o toki e pona" en "jan Jesu o a!" 8.
9. o sitelen pona e sitelen sona pi nanpa tu. o pali sin e toki ale lon nanpa 5 tawa 8.
10, 11, 12 - o pali e sama.
13. o pini lon toki sina.
sitelen sona tawa nasin toki Losali
sitelen sona pi toki pona
(o toki e ni lon tenpo suno pi nanpa tu en tenpo suno pi nanpa luka tu)
1. jan kon pona Kalije li toki e jan Jesu tawa jan Malija.
2. jan Malija li tawa tomo pi meli sama ona Elisapeta.
3. jan Jesu li lon.
4. jan Jesu li kama tawa tomo pi nasin sewi.
5. jan Jesu li lon tomo pi nasin sewi.
sitelen sona pi suno pona
(o toki e ni lon tenpo suno pi nanpa luka)
1. jan Jesu li telo sin e ona.
2. jan Jesu li pali e pona lon wan olin lon ma tomo Kana.
3. jan Jesu li toki e ma lawa pi jan sewi.
4. jan Jesu li ante suno.
5. jan Jesu li pana e tenpo moku sewi.
sitelen sona pi pakala ike
(o toki e ni lon tenpo suno pi nanpa tu wan en tenpo suno pi nanpa luka wan)
1. pakala lon ma kulupu.
2. jan li pakala e ona.
3. jan li pana e sike lawa pakala tawa ona.
4. jan li tawa e palisa.
5. jan Jesu li moli lon palisa.
sitelen sona pi ale pona
(o toki e ni lon tenpo suno pi nanpa tu tu en tenpo suno pi nanpa wan)
1. jan Jesu li ale sin.
2. jan Jesu li tawa sewi kon.
3. ona li pana e kon sewi tawa ma.
4. jan Malija li tawa sewi kon.
5. ona li lawa poka jan sewi Jesu lon sewi kon.