mi ken ala pali lon lipu pali mi pi tomo sona mi tan ni: mi wile ala pali e ijo. taso mi sona pona e ni: mi wile pali e pali mi tan ni: tenpo kama lili la tomo sona mi li open.tenpo suno tu pini la mi pali e ala. mi jan ike a! mi jo ala e ijo tawa pali suli pi mi mute. (mi en jan Leonele li jo e pali suli lon kulupu sona pi toki Kanse lon tomo sona mi). mi wile mute e ni: tenpo suno tu pini la ona li pali e ala kin.tenpo ni la mi moku e telo seli wawa mi lon poki. tenpo kama lili ni la mi telo e mi lon tomo telo. taso telo seli wawa li pona mute tawa mi tan ni: telo seli wawa li pana e wawa tawa jan! tenpo ni kin la mi kute e kalama musi pi kulupu pi kalama musi Tatu. kalama musi Losi li pona tawa sina la ona mute li pona kute.mi pilin mute e ni: mi wile toki tawa jan sewi lon tenpo open pi tomo sona. tenpo mute pini la mi toki ala tawa jan sewi Jawe. ken la tenpo suno ni la mi toki tawa jan sewi Jawe. toki tawa jan sewi anu tawa ala lon jan sewi li pona mute tawa mi.Aleluja! Amen! mi tawa tomo sona mi Tamanawisi!
mi pilin pona tan ni! lipu sin li lon! mi ken ala awen tan ni: toki pona li mute tawa mi!mi wile pali mute kepeken toki pona. ken la toki musi li pona tawa lipu mi. mi sona ala.taso mi wile lape tan ni: tenpo suno kama la mi wile tawa tomo pi nasin sewi. mi jo e pali mute tan tomo sona mi. tenpo ni la tomo sona li ike tawa mi. taso tenpo kama mute la tomo sona li pona.A! mi wile tawa! ^__^jan Ke.
