 
• Marie-Louise 2001
Muziek:C.Verlaak Tekst:C.Verlaak
Marie Marie Marie-Louise,
sjoenste maedje van ut fies,
doe brings mich stieds van de wies,
Marie Marie Marie-Louise.
Druime van den eine kier,
blief ich haope stieds maar wier,
op den eine groete pries,
Marie Marie Marie-Louise.
Zeg kent gee soms Marie-Louise,
un kindj zoe sjoen echt waor,
zee kumpt elk jaor wir oet Paries,
met vlechkes in de haor,
zee lupt den met os mei drie daag,
en veul ich de vlinders wir kroepe in mien maag,
maar mien leef Marie,
noe kom toch us hie noe kom toch us hie;
Ich laop her nao blief in her buurt,
mer zee zuut mich neet staon,
en elke aovend in mien bet,
laot ich un dieke traon,
en as ut straks wir woensdig is,
den waet ich det ich wir mot wachte huul beslis,
toet ut volgend jaor,
ut is toch neet waor ut velt mich zoe zwaor;
• Sjroem Sjroem 2002
Muziek:C.Verlaak Tekst:C.Verlaak
Daag en nacht
Hub ich vol ongeduld gewacht
Maar noe is ut wier zoe wiet
Veul mich good en wie herbaore
Ich ken mien ei wier eindlik kwiet
En alles is vergaeve en alles is wier good
Auch dit jaor zit ich vol met goeje mood
Sjroem sjroem ut is wier carnaval
Sjroem sjroem ut is wier dao
Sjroem sjroem ut is wier carnaval
Sjroem sjroem kom mich maar nao
As ich det zek
Klink det hiel gek
Maar onger os
Ut is begos
Noe pak dien grei
En kom maar mei
Sjroem sjroem noe jong allei
Ens te mier
Veul ich mien hert det geit te kier
’t geit van hoempa en sjing sjeng boem
Spuit vanzelf ein melodieke met huul klaor de dieke trom
Ich weit ut geit neet euver ich kom der neet vaaaf
Ut veult huul vremd maar urges auch waal gaaf
Zang: Ruud Jacobs & Paul Jenniskens, Roger Theelen, Coen Verlaak, Hay Hanssen, Annemiek Jenniskens en Inge Ramakers
• Kense Det Make 2003
Muziek:C.Verlaak Tekst:A.Jenniskens
Kense det make, kense det doon
Zal ich det pilske toch maar laote staon
Kense det make, kense det doon
Zal ich ein kusje van det maedje dit kier euverslaon
Kense det make, kense det doon
Ich wil mich lekker laote gaon
Ich speul noe al huul get jaore
De trommel in os joekskapel
En gluif mich ich bun gebaore
As echte pleejboy van dit stel
Want as weej es urges komme
Den make weej iers vuul kabaal
Den trommel ich der duchtig hel op los
En vraog de jonges hei ken det waal
Ein rundje drek nao ut anger
Ut zicht wuurd den al minder good
Den gaef ich mich op as zanger
Want fieste zit mich in ut blood
En zeen ich ein huul sjoen maedje
Den geit mien hert wier aan de haol
Den hub ich mich echt neet mier in de handj
En vraog den ken dit waal allemaol
• Lekker Sjtappe 2004
Muziek:D.Thijssen Tekst:D.Thijssen
Id-der jaor met vast-en-ao-vend gaon weej sa-me der op oet,
Lek-ker sjtap-pe op-pe lap-pe zelfs ôs moo-der blief neet thoes.
Iers nao bao-ve om te sjtrui-ne op de zul-der in de kas,
jao al wae-ke van te veu-re om te kie-ke wat ôs pas.
D’r is gen bal det weej oëts mis-se,
Gen-ne op-toch zon-ger ôs,
as klei-ne hum-mel meij gaon sjtap-pe,
jao zoë is ut oëts be-gôs,
zal det ech noëts mier ver-lie-re,
det ge-veul kump id-der jaor,
met zien al-le lek-ker sjtap-pe,
den liek ut lae-ve neet zoë zwaor,
met vast-en-ao-vend op de lap-pe,
d’r is niks sjoë-ners, hiel ier-lik waor.
Mie-ne pap det is de erg-ste geit fi-naal oet zie-ne bol,
Maed-je leef môs dich ens huu-re maak zoë gaer un biet-je lol.
Num ut dich auch ech neet kwao-lik gank mer rus-tig dien-e gank,
ken dae pap nao vas-ten-ao-vend weer met moo-der op de bank.
Zang: Ruud Jacobs & Lotje Jacobs, Mart Hanssen, Coen Verlaak, Dion Thijssen, Roger Theelen, Paul Jenniskens en Annemiek Jenniskens.
• Hoembapaja 2005
Muziek:C.Verlaak Tekst:A.Jenniskens/C.Verlaak
Ich hub eine vrindj
‘ch weit neet wie geej det vingt
Dae kumt altied te laat
Hub geej ‘ne tip dae baat
Want zelfs d’n dokter zaet
Ich weit neet wat dae haet
Ich sjtuur um door det helpt mesjien
In os joekskapel
Sjpeult hae net nao d’n tel
En och wat waas det sjtom
Hae kreeg de dieke trom
Dao zitte weej dus met
Kepel is naatje pet
En god och erm det duit zo’n pien
Hoembapaja duit de joekskapel
Hoembapaja met ut ganse sjtel
Hoembapaja huurse euveral
Hoembapaja det is karnaval
De repetitie kwaam
Kom op weej gaon d’r aan
Hae sjpeult wier oet de maot
De dirigent wuurd kwaod
Hae reupt “noe is ut zat”
Ich hub ut gans gehad
Gaef noe mer hie die dieke trom
Och erm dao sjtonge hae den
Gewoen met laege henj
Och waat ein sjtuk verdreet
Det hoofde auch weer neet
Dus met de karnaval
Sjpeult hae de sambabal
En kiek hae lacht d’r auch nog om
  
Zang: Roger Theelen, Coen Verlaak, Jan Bouten, Mart Hanssen, Annemiek Jenniskens, Inge Ramakers, Lotje Jacobs, Ruud Jacobs, Paul Jenniskens.
• Godmiejaar 2006
Muziek:C.Verlaak Tekst:C.Verlaak/A.Verlaak
Godmiejaar ’t is veur mekaar
Ich hub wier zitte braoje
Eine groete sjlaag en de zaak sjteit op de kop
Ich ken op niej beginne
Ich laot mich toch neet kinne
Oet mekaar wier in mekaar
Ich gaef ut ech neet op
Ritsj roetsj en ratsj
Alles in de pratsj
God miejaar wat ein geplaar en alles is veur nop
[koeplet 1]
Menier pestoer dae vroog mich jong kom doe ens aan
En klum ens in de taore en kiek ens nao de haan
Det bies det maakt mich sjtapelgek
Dae kreijt van vreug tot laat
Drom bing dees krans om ziene nek
Ick dink det det waal baat
Maar wie verwach
Ut ging neet wie gedach
[koeplet 2]
En auch den burgervader sjtong ens langs de kantj
Zoe saoves in ut duuster met eine platte bandj
Hae keek zoe blie wie hae mich zoog
En deej zien ketting aaf
Hae zei bing dit sjtuk aan de haok
Ut anger aan de naaf
Maar wie verwach
Ut ging neet wie gedach
Zang: Roger Theelen, Annemiek Jenniskens, Coen Verlaak, Paul Jenniskens, Paul Lennaerts, Gert Weikamp, Lotje Jacobs, Ruud Jacobs.
|