"Kosova e Re" - Istog

PSE “KASKO Sigurimi”?

SEPSE askush nuk është i sigurtë nga dëmet a paparashikuara në automjetin tuaj ndërsa, nga ana tjetë, ato kushtojnë mjaft shtrenjtë nëse askush nuk garanton për dëmin e shkaktuar.

PRANDAJ me pagesën e premisë për sigurimin KASKO, si dhe me mundësitë e shumta të kombinimeve që mund t’i bëni nëse dëshironi KASKO të pjesërishme, Ju mund ta siguroni autmjetin tuaj.

Nëse keni lidhur kontratë mbi sigurimin KASKO me KS “Kosova e Re”, ne ju garantojmë kompenzimin e dëmit material të shkaktuar në automjetin tuaj me rastin e aksidentit në komunikacion edhe atëherë kur ju e keni shkaktuar fatkeqësinë.

Dëmi material në automjetin tuaj do t’u kompenzohet edhe nëse është shkaktuar nga:

- fatkeqësia në komunikacion,
- zjarri,
- rënia e ndonjë sendi,
- veprimet e befasishme termike apo kimike nga jashtë,
- rrufeja,
- eksplodimi, përveç eksplodimit nga energjia nukleare,
- stuhia,
- breshëri,
- ortiqet e borës dhe rënia e borës dhe akullit në automjetin tuaj,
- rënia e fluturakeve ajrore,
- tërmeti, nëse është regjistruar nga Instituti seizmologjik,
- veprimet me qëllim jo të mirë apo shfrenimet e ndonjë personi të tretë,
- vërshimet, rrëketë dhe ujrat e larta,
- manifestimet dhe demostratat,
- vjedhja

Nëse e vlerësoni se NUK ju duhet KASKO e plotë, KS “Kosova e Re” ju ofron zgjedhjen e njërit nga kombinimet e shumta të Sigurimit KASKO të pjesërishëm, me të cilin ju mund ta siguroni automjetin tuaj vetëm nga ato rreziqe të cilat ju i konsideroni të domosdoshme.

 

 

 

 

K U SH T E T

PËR SIGURIMIN KASKO TË AUTOMJETEVE MOTORIKE

 

 

DISPOZITAT HYRËSE

 

 

Këto Kushte, varësisht nga përmbajtja e kontratës për sigurim zbatohen:

 

l) në sigurimin e automjeteve motorike (sigurimi “auto-kasko”),

 

2) në sigurimin e automjeteve tërheqëse, automjeteve motorike për punë, automjeteve speciale, rimorkiove, kontenierëve dhe automjeteve të tjera.

 

 

Disa shprehje në këto Kushte kanë këto domethënie:

 

l) Siguruesi “-Kompania e sigurimeve “Kosova e re”

 

 

2) “I siguruari” –pronar i automjetit i cili është siguruar dhe të cilit i takojnë të drejtat nga sigurimi,

 

3) “Premia” – shuma të cilën e paguan i siguruari për sigurimin sipas polisës- kontratës se sigurimit;

 

4) “Shuma e sigurimit” – shuma – vlera e automjetit në të cilin është siguruar,

 

5) “Polisa” – dokumenti per kontratën e sigurimit,

 

6) “Mashtrimi” – sjellja e të siguruarit në lajthitje me paraqitjen ose fshehjen e fakteve të rrejshme, respektivisht mbajtjen në lajthim që diç po vepron ose nuk vepron në dëm të pasurisë së tij.

 

 

 

 

 

DISPOZITAT E VEÇANTA

 

Neni 1

 

Objekt sigurimi në kuptim të këtyre Kushteve janë të gjitha llojet e automjeteve motorike, automjeteve tërheqëse, automjeteve binarike, automjeteve motorike për punë, automjeteve speciale, rimorkiot, konteinerët dhe automjetet e tjera.

 

VËLLIMI I SIGURIMIT

Neni 2

 

Sigurimet në vështrim të këtyre Kushteve, mund të kontraktohen si:

a)      sigurimi i plotë kasko,

b)     sigurimi i pjesërishëm  kasko,

 

Sigurimi nën a) dhe b) mund të lidhet me pjesëmarrje në dëm (franshize)

 

RREZIQET E SIGURUARA

 

a)     Sigurimi i plotë kasko

 

Neni 3

 

Me sigurimin e plotë kasko të automjetit është përfshirë mbrojtja nga asgjësimi ose dëmtimi i automjetit:

 

1.    Aksidenti i komunikacionit

 

Me aksident komunikacioni, në vështrim të këtyre Kushteve kuptojmë: ndeshjet, ramjet, rrokullisjet, rrëshqitjet, përmbysja e praptimi  si dhe shkatërrimet dhe dëmtimet tjera të automjetit, të shkaktuara nga rasti i befasuar nën veprimin e forcës mekanike, pavarësisht nga dëshira e të siguruarit ose shoferit.

         

Me rastin e realizimit të rrezikut të aksidentit në komunikacion, siguruesi është i detyruar t’i kompensojë edhe shepnzimet për shkak të:

 

 

-transportimit ose tërheqjes së automjetit deri te ofiçina më e afërt, e cila mund të bëjë riparimin e domosdooshëm apo definitiv të automjetit.

 

2.    Vjedhja

 

Me vjedhje në kuptim te këtyre Kushteve konsiderohet marrja e padrejtë dhe e kundërligjshme e automjetit të mbyllur ose pjesëve të tij.

 

3.    Zjarri

 

Me zjarr ne vështrim të këtyre Kushteve kuptohet zjarri i shkaktuar befasisht dhe i papritur jashtë automjetit por edhe në automjet.

 

Siguruesi nuk është i detyruar ta kompensojë demin ne instalimin elektrik qe është si pasojë e djegies së instalimit elektrik ne automjet, përpos nëse zjarri perhapet në tërësi.

 

4. Eksplodimi pos eksplodimit nga energjia nukleare

 

Me eksplodim në vështrim të këtyre Kushteve kuptohet shfaqja e befasishme e forcës e themeluar ne granatimin e avullit ose gazit.

 

      5. Rrufeja

 

      6. Stuhia

 

Me stuhi në kuptim të këtyre Kushteve konsiderohet era në shpejtësi prej l7,2 m në sekondë, përkatësisht 62 km në orë (me intensitet prej 8 shkallë të Bosforit) ose edhe me shumë;

 

      7. Breshëri

     

Në sigurim janë përfshirë dëmet e shkaktuara drejtpërdrejt nga breshri, si edhe dëmet e shkaktuara nga:

     

      8. Ortiqet e borës, si dhe rënia e dëborës dhe e akullit në automjet

 

     

9.  Rënia e fluturakes ajrore

 

10. Manifestimet dhe demonstratat

 

l1. Termeti, në qoftë se  është regjistruar sizmologjikisht.

 

 

12. Dëmtimi i tapaceringut në automjetin e siguruar, shkaktuar me rastin e ofrimit të ndihmës personale që janë lënduar në fatkeqësitë e komunikacionit apo në ndonjë mënyrë tjetër;

 

 

13. Rreziqet nga vërshimet

 

Në kuptim të këtyre Kushteve, vërshime konsiderohen vërshimet stihike të papritura të terreneve nga ujërat e përhershëm (të lumenjve, liqeneve të deteve etj.) për shkak të daljes së ujit nga shtrati dhe shpërthimi nga penda, vërshimi i ujit për shkak të tundjeve të larta dhe të valëve të detit e të liqeneve në formë të jashtëzakonshme si dhe nga ardhja e ujit nga liqenet artificiale.

 

Rreziku nga vërshimi përfshin edhe dëmet e shkaktuara:

 

a)      dëmet nga vërshimet e ujërave që rrjedhin nga rrjeti i kanalizimit dhe ujësjellësit,

b)     dëmet në automjet kur ndodhëet në shtratin e gjallë ose të thatë të përroit ose të lumit, përkatësisht në hapësirën midis pendës dhe lumit, e kur është fjala për automjetin i cili për shkak të destinimit të vet ndodhëet në këtë hapësirë.

 

 

b) Sigurimi i pjesërishëm kasko

 

Neni 4

 

Në sigurim janë përfshirë këto rreziqe:

 

Sigurimi i dëmeve në automjet të shkaktuara nga aksidenti ne komunikacion.

Ky sigurim lidhet në kohëzgjatje prej një viti, nëse nuk është kontraktuar ndryshe.

 

Përjashtimi i detyrimit të siguruesit

 

Neni 5

 

(l) Siguruesi nuk ka për detyrë ta kompensojë dëmin dhe shpenzimet të cilat kanë ndodhëur:

l. Për shkak të prishjes gjatë veprimit të automjetit (i ashtuquajturi dëm gjatë veprimit) si p.sh. dëmtimit dhe lëkundjes të amortizatorëve, shpimit ose plasjes së gomave të brendshme apo të jashtme, dëmtimit të rrotëve për shkak të vozitjes me goma të zbrazura, nga lyerja e pamjaftueshme, në mungesë të ujit në ftohës, për shkak të ngrirjes së ujit në ftohës apo bllokimit te motorit, dëmtimit të instalimit elektrik, tejngarkimi dhe të dëmet të tjera në veprim.

 

2. Nga pesha që transportohet me automjetin e siguruar,

 

3. Nga barra me rastin e ngarkimit dhe shkarkimit;

 

4. Për shkak se automjeti është lëshuar në qarkullim para riparimit;

 

5. Gjatë transportit të automjetit me mjetet tjera ne komunikacionin rrugor, detar dhe hekurudhor;

 

6. Për shkak të vjedhjes nga pala bashkëshortore, i afërmi për nga gjaku në vijë të drejtë, vëllai apo motra, i adoptuari apo adoptuesi  i të siguruarit, personi që me te siguruarin jetojnë në bashkësi familjare, apo personi që sipas ligjit është i detyruar të mbaj atë. Personave qe janë të autorizuar për ruajtjen, vozitjen apo shitjen e automjetit.

 

7.Gjatë kohës derisa automjetin e drejton personi pa lejen gjegjëse për drejtimin e llojit përkatës të automjetit, ose kur shoferi i cili është në marrëdhënie pune te kontraktuesi i sigurimit, për kohën derisa e drejton atë automjet, i mundëson që automjetin ta drejtojë edhe përsoni pa lejen gjegjëse.

Konsiderohet se shoferi është pa leje për vozitje edhe kur automjetin e drejton në kohën kur patent shoferi i është marrë nga ana e organit kompetent. Në vendet ku nuk është i nevojshëm patent shoferi internacional, pranohet leja e atij vendi që shoferi është shtetas.

 

8. Gjatë kohës derisa automjetin e  drejton shoferii nën ndikimin e alkoolit, të drogës apo të narkotikëve tjerë.

Konsiderohet se shoferi është nën ndikimin e alkoolit nëse në gjak ka më shumë se 10,855  milimolë alkool  në  litër të gjakut, përkatësisht ka më shumë se 0,5 promila të alkoolit, si dhe pa marrë parasysh sasinë e alkoolit në gjak nëse vërtetohet se tregon shenja të çrregullimit nga alkooli,  nëse testi alkoolik është pozitiv, e nuk kërkon që me analizë saktësisht të  përcaktohet shkalla  e alkoolizmit të tij, përpos në rastet kur marrja e gjakut do të jetë e dëmshme për shëndetin e tij.

 

Gjithashtu konsiderohet se shoferi është nën ndikimin e alkoolit, nëse pas aksidentit në komunikacion i shmanget ose refuzon  t’i  nënshtrohet kontrollit të alkoolizmit, pa marrë parasysh imunitetin diplomatik apo  ndonjë imunitet  tjetër.

 

Konsiderohet se shoferi është nën ndikimin e drogës apo narkotikëve tjerë, nëse me ekzaminimin profesional vërtetohet së tregon shenja të çrregullimit për shkak të përdorimit të drogës apo narkotikëve të tjerë.

 

9. Nëse dëmi është  shkaktuar qëllimisht apo me mashtrim nga ana e te siguruarit apo anëtarëve të familjes së tij të ngushtë të cilet jetojnë në bashkësinë e njejtë familjare;

 

10. Për shkak të operacioneve ushtarake apo të trazirave;

 

 

11. Nëse dëmi është shkaktuar me rastin e pjesëmarrjes së automjetit në gara, përfshirë trajnimin zyrtar, përpos nëse veçmas nuk është kontraktuar.

 

 

 

 

 

 

 

Neni 6

 

Siguruesi është i detyruar t’i kompesojë dëmet e shkaktuara:

 

 

1. Si pasojë e prishjes gjatë perdorimit të automjetit (i ashtuquajturi dëm gjatë veprimit) për shkak të realizimit të rrezikut të fatkeqësisë së komunikacionit, eksplodimit, zjarrit dhe vjedhjes (sipas nenit 3 dhe 4 te ketyre Kushteve).
2. Për riparimin e perkohshëm qe te mundësohet lëvizja e automjetit deri te ofiçina per riparim definitiv, me bashkangjitjen e dëshmisë per kryerjen e riparimit te përkohshem;
3. Në rastin kur automjetin e drejton personi pa leje në qoftë se është fjala për vjedhjen e automjetit, apo për personin që mëson ta drejtojë automjetin  në prezencen e personit të autorizuar;
4. Për shkak të dëmeve të shkaktuara nga kafshët;
5. Kur nga automjeti me sandëk vetëshkarkues – me rastin e ngarkimit – shkarkimit - bëhet rrotullimi, kompensohet vetëm dëmi që është si pasojë e drejtpërdrejtë e rrotullimit.

 

DISPOZITAT E PËRBASHKËTA

 

Lidhja e kontratës për sigurim

 

Neni 7

 

1) Kontratën për sigurim mund ta lidhë shfrytëzuesi,respektivisht pronari i automjetit ose çdo person tjetër që ka interes.

2) Kontrata për sigurimin lidhet atëhere kur palët kontraktuese nënshkruajnë

    polisën e sigurimit.

 

Kohëzgjatja e kontratës së sigurimit

 

Neni 8

 

1)     Kontrata e sigurimit mund të lidhet:

 

     1.      Me afat të caktuar kohor prej 1 viti apo më të shkurtër (sigurimi afatshkurtër),

1.       Me afat të caktuar kohor, më shumë se një vit (sigurimi shumëvjeçar).

 

Territori ku vlen sigurimi

                                               Neni 9

 

1.Sigurimi “kasko” vlen në territorin e Kosovës nëse me kontratë nuk është paraparë ndryshe.

 

2.Nëse kontraktohet sigurimi jashtë territorit të Kosovës, atëherë bëhet pagesa e veçantë e primit.

 

Ndërrimi i  pronarit të automjetit dhe  vlera e kontratë së sigurimit                  

 

                                                            Neni 10

 

  1. Nëse gjatë kohëzgjatjes së sigurimit ndërrohet pronari i automjetit të siguruar, të drejtat dhe obligimet që dalin nga kontrata për sigurim nuk barten në pronarin e ri, kurse premia e sigurimit për periudhën e mbetur i kthehet të siguruarit nëse në periudhën e mëparshme nuk ka përfituar ndonjë dëmshpërblim.

 

Fillimi dhe mbarimi i obligimeve të siguruesit

         

                                                Neni 11

 

1.Obligimi i siguruesit nga kontrata e sigurimit  fillon prej momentit të lidhjes së kontratës që është theksuar në polisë si fillimi i sigurimit.

 

              2.Obligimi i siguruesit mbaron në ditën dhe orën e paraparë me polisë – kontratë të sigurimit.

 

  Vlera e automjetit të siguruar

 

                                  Neni 12

 

Vlera e automjetit të siguruar paraqet bazën për llogaritjen e premisë  se sigurimit dhe përcaktimit të kompensimit te dëmit.

 

Vlera e automjeteve të siguruara të cilat sigurohen sipas këtyre Kushteve përcaktohet në shumën e sigurimit, të cilën i siguruari dhe siguruesi e caktojnë sipas çmimit ne katalog, vlerës së tregut etj.

 

Shuma e kontraktuar e sigurimit për automjetin i cili sigurohet sipas këtyre Kushteve në momentin e lidhjes së kontratës së sigurimit nuk mund të jetë më e ulët se 40% e çmimit te automjetit të ri, e përcaktuar në katalogum e çmimeve të automjetit.

 

Përcaktimi i rrethanave me rëndësi për vlerësimin e rrezikut

 

Neni 13

 

          1) I siguruari ka për detyrë t’i  paraqesë siguruesit me rastin e lidhjes së kontratës së sigurimit të gjitha rrethanat që janë me rëndësi për vlerësimin e rrezikut – peshën e rrezikut dhe caktimin e lartësisë së premisë.

 

Rrethana me rëndësi për vlerësimin e rrezikut dhe caktimin e lartësisë së premisë  konsiderohen sidomos rrethanat për të cilat kontraktuesi ështe pyetur dhe në bazë të të cilave ështe caktuar dhe është llogaritur premia.

 

Të dhënat për sigurim duhet të jenë në harmoni me të dhënat e lejes së qarkullimit në fuqi, vërtetimin e regjistrimit ose të ndonjë dokumenti tjetër me të cilin vërtetohet identiteti i automjejtit që sigurohet.

 

    2)  I siguruari ka për detyrë t ‘i mundësojë siguruesit kontrollin dhe revidimin e rrezikut:

 

          3) Siguruesi mban te drejtën të kërkojë rritjen e premisë  në rastet e arsyeshme, të cilat kanë ndodhëur për shkak ndryshimit  të rrethanave qenësore pavarësisht prej deshirës se siguruesit, ose në qoftë se vërtetohet më vonë që i siguruari me rastin e lidhjes se  kontratës, nuk i ka dhënë shënimet mbi rrethanat me rëndësi  për vlerësimin e rrezikut ose konstatohet se në kohën  e zgjatjes së sigurimit nuk e ka informuar siguruesin për rrethanat e ndryshuara, ose në lidhje me këtë ka dhënë shënime jo të sakta, e këto rrethana janë me rëndësi që premia te jetë më e madhe për shkak te rrezikut të shtuar, t‘ia bëjë revizionin e rrezikut dhe të kërkojë rritjen e premisë.

 

Pagesa e primit

 

Neni 14

 

          1.) I siguruari e ka për detyrë ta paguajë primin e sigurimit sipas polisës – kontratës së sigurimit.

 

          2.) Primi paguhet në tërësi, me rastin e lidhjes së kontratës se sigurimit,  nëse nuk është kontraktuar ndryshe.

 

Nëse sigurimi lidhet për periudhen më të shkurtër së një vit, primi

paguhet detyrimisht  në tërësi me rastin e kontratës së  sigurimit. 

 

Nëse pagimi i primit është kontraktuar në këste, ndërsa i siguruari e realizon të drejtën për kompensimin e dëmit, premia paguhet në shumën e plotë, nëse këstet e mbetura të premisë janë më të vogla se shuma e kompensimit të dëmit, ndërsa,   premia që ka mbetur për t ‘u paguar është më e madhe se kompensimi i dëmit, do të bëhet  thyerja e primit dhe dëmit, kështu që pjesa e mbetur – e paskaduar e primit do të arkëtohet në përpjesë tim me zvogëlimin e kësteve të mbetura.

 

          3.) Nëse i siguruari nuk e paguan këstin e arritur në afatin e kontraktuar, atëherë ndërpritet sigurimi dhe nese ndodhë dëmi, siguruesi nuk e ka obligim pagesën e dëmit

 

ZVOGËLIMI I PREMISË

Neni 15

 

Të sigururuarit i mundësohet zvogëlimi i premisë per sigurimin e plotë kasko për automjetin e siguruar të njëjtit grup të primit, nëse automjeti pa ndërprerje ka qenë i siguruar me se paku një vit dhe nëse në këtë periudhë nuk ka paraqitur ndonjë dëm sipas të cilit siguruesi është i obliguar ta kompensojë dëmin.

 

Nëse  në vitin paraprak të sigurimit i siguruari ka pasur dëm të paraqitur

 në kuptim të paragrafit 1 të këtij neni, atëherë në vitin e ardhshëm e paguan preminë sikur ta sigurojë automjetin për herë të parë.

 

 

        Premia e sigurimit zvogëlohet si vijon:

 

-          në bazë te sigurimit paraprak nga 10% nëse ne vitin e shkuar nuk ka pasur dëm të paraqitur, por jo më tepër se 50% për 5 e më shumë vite te kaluara,

-          ne bazë të sigurimit nga autopërgjegjësia (AP)  te KS “Kosova e Re” per 10%,

-          ne bazë të sigurimit “pako” 5%.

 

 

 

Zvogëlimin e primit i siguruari mund ta barte në automjetin e ri – tjetër në të njëjtën përqindje që ka pasur automjeti i tjetërsuar, asgjësuar dhe çregjistruar. Kjo bartet nga njeri automjet ne tjetrin në momentin e lidhjes së kontratës së sigurimit

 

                                                                Neni 16

 

1)     Kontrata e sigurimit ndërpritet në këto raste:

 

          -me skadimin e afatit të kontratës së sigurimit,

          -shkëputjen e kontratës së sigurimit,

          -shkatërrimin e automjetit (dëmi total),

          -me pagimin e kompensimit  të dëmeve, me realizimin e rrezikut të vjedhjes së automjetit,

          -me pagimin e kompensimit të dëmit në lartësinë e shumës së kontraktuar të sigurimit për një rast dëmi,

          - kur riparimi i automjetit ekonomikisht nuk është i arsyeshem (dëmi total ekonomik)

          - shitjen e automjetit,

          - nëse i siguruari nuk e përmbush detyrimin e pagesës së premisë  në afat in e parapare ne polise – kontratë të sigurimit.

 

 

 

Rasti i siguruar

Neni 17

 

 

Konsiderohet se ka ndodhëur  rasti i siguruar, në atë moment kur ndonjë rrezik i siguruar është realizuar papritmas në automjetin e siguruar.

 

Te rreziku i vjedhjes së automjetit ndodhëet rasti i siguruar pas skadimit të afatit prej 30 ditësh nga dita e vjedhjes së automjetit me dëshmi se automjeti i vjedhur nuk është gjetur.

 

 

Situata juridike pas ndodhëjes së rastit të siguruar

 

 

Neni 18

 

Pas ndodhëjes së rastit të siguruar, nëse është fjala për rast dëmtimi (dëmtim i pjesshëm) i cili nuk e tejkalon shumën e kontraktuar të sigurimit, automjeti mbetet akoma i siguruar në shumën e kontraktuar të sigurimit.

 

Me rastin e shkatërrimit, vjedhjes së automjetit ose pagimit të kompensimit të dëmit në lartësinë e shumës se kontraktuar të sigurimit të dëmit total, sigurimi pushon.

 

Detyrimi i të siguruarit kur ndodhë rasti i siguruar

 

Neni 19

 

1) Kur ndodhë rasti i siguruar në bazë të të cilit  kërkohet zhdëmtimi mbi bazë të sigurimit, i siguruari ka për detyrë të veprojë si vijon:

 

1. Që menjëherë të ndërmarrë të gjitha masat e mundshme për evitimin dhe zvogëlimin e dëmit, si dhe t’u përmbahet udhëzimeve të siguruesit ose përfaqësuesit të tij;
2. Që menjëherë e më së voni në afatin prej 3  ditësh pas informimit t’ia paraqesë rastin siguruesit me shkrim;
3. Që në te  gjitha rastet e parapara me dispozita e  sidomos kur dëmi shkaktohet nga zjarri, eksplodimi, vjedhja, vjedhja me thyerje, grabitja, vjedhje grabitqare t‘ia paraqesë organit kompetent të hetimeve - policisë dhe të theksojë se cilat sende janë asgjësuar përkatësisht dëmtuar apo janë humbur me rastin e ngjarjes së rastit të siguruar.

 

4.  Në rastin e ndodhëjes se aksidentit të komunikacionit, në të cilin është dëmtuar  automjeti i siguruar, i siguruari - shoferi është i obliguar t’ia paraqesë aksidentin e komunikacionit organit kompetent të hetuesise - policisë dhe te pret në vendin e ngjarjes për të këqyrur.

 

2) I siguruari ka për detyrë, pavarësisht nga  afati i paraqitjes së dëmit, që siguruesit t’i ofrojë të  gjitha të dhënat dhe dëshmitë e tjera të cilat i disponon, e që janë të domosdoshme për konstatimin e shkakut, vëllimit dhe lartësisë së dëmit. Siguruesi po ashtu mund të kërkojë që i siguruari t’i sjellë edhe prova tjera, nëse këto janë të domosdoshme dhe të arsyeshme.

 

 

3) Nëse i siguruari në kohën e caktuar nuk e përmbush obligimin e vet nga paragrafi 1 dhe 2 të këtij neni, siguruesi kompensimin e dëmit do t’ ia zvogëlojë të siguruarit per shumën e rritjes së dëmit që e ka shkaktuar me veprimet e tij (shpenzimet, e  të tjera.).

 

Përcaktimi dhe vlerësimi i dëmit

Neni 20

 

Me pranimin e fletëparaqitjes për ndodhëjen e rastit të siguruar dhe krijimin kushteve të nevojshme, siguruesi është i detyruar që menjëherë e më se voni në afatin prej tri ditësh të fillojë përcaktimin dhe vlerësimin e dëmit. Nëse këtë nuk e bën, i siguruari mund ta fillojë evitimin e dëmit me kusht që më parë t’i sigurojë dëshmitë rreth ndodhëjes së rastit të siguruar dhe vëllimit të dëmit.

 

Nëse i siguruari nuk është i kënaqur me vlerësimin e dëmit, mund t’i parashtrojë kundërshtim siguruesit, të cilin siguruesi është i detyruar ta vendosë brenda 3 ditësh..

 

 

Mënyra e përcaktimit të lartësisë së dëmit dhe zhdëmtimi

 

Neni 21

 

Lartësia e dëmit në automjet përcaktohet varësisht nga dëmtimi i pjesërishëm apo total i automjetit.

 

1) Nëse automjeti është humbur ose shkatërruar plotësisht (dëmi total) ose riparimi i automjetit është më i madh sesa vlera e automjetit, zbritur për vlerën e mbetjes dhe shumës se kontraktuar të sigurimit(dëmi total ekonomik), përcaktimi i dëmit bëhet sipas vlerës së automjetit por jo më shumë se deri në shumën e sigurimit, po më këtë rast nga vlera e automjetit së pari zbritet vlera e mbetjes.

 

Me vlerën  e automjetit, nënkuptohet çmimi blerës i automjetit i përcaktuar në katalogun e çmimeve aktuale të kompanisë së sigurimeve “Kosova e re” të korrigjuar për “vlerën” e automjetit sipas viteve të vjetërsisë dhe kritereve – udhëzimit për vlerësimin e dëmeve ne automjetet te KS “Kosova e re”.

 

Çmimi i automjeteve nga katalogu i çmimeve aktuale përmban çmimin e fabrikës të automjetit rritur për shpenzimet doganës, tatimit në qarkullim, shpenzimet e transportit dhe shpenzimet  e tjera të rëndomta.

 

2) Nëse është realizuar rreziku nga vjedhja dhe automjeti nuk është gjetur brenda 30 ditësh, llogaritja dhe pagimi i dëmit  bëhet sikurse automjeti të jetë i asgjësuar. Para kompensimit të dëmit, i siguruari është i detyruar t’ia dorëzojë  siguruesit: lejen e qarkullimit, çelësat origjinal te automjetit dhe polisën e sigurimit.

Me pagimin e kompensimit të dëmit sipas rrezikut të realizuar nga vjedhja, kontrata për sigurim ndërpritet.

 

3)     Nëse ndodhë dëmi i pjesëshëm i automjetit, i njëjti përcaktohet dhe llogaritet në lartësinë e shpenzimeve të punës, vlerës së pjesëve rezervë dhe materialit tjetër harxhues të nevojshëm për mënjanimin  e dëmit, me kusht që të mos e kalojë shumën e siguruar për një rast të siguruar, zbritur për  pjesëmarrjen (franshizen) e kontraktuar për dëm.

 

4) Pjesëmarrja në dëm (franshize), nëse është paraparë me polisë – kontratë të sigurimit zbritet me rastin e llogaritjes së dëmit në automjet.

                                                                                     

Llogaritja e dëmit mund të bëhet në bazë të llogarisë mbi riparimin e kryer dhe pjesët e blera ose sipas  marrëveshjes – ujdisë me lidhjen e kontratës mbi barazimin jashtëgjyqësor.

 

Siguruesi mban të drejtën për dërgimin e të siguruarit në adresën e saktë të ofiçinës- servisit që ta bëjë riparimin e automjetit, si dhe për blerjen e pjesëve rezervë në shitoret e caktuara.

 

          5.) Pjesët e shpëtuara të automjetit të shkatërruar  gjegjësisht të dëmtuar – mbetja e automjetit, i mbesin të siguruarit nëse palët ndryshe nuk bien dakord.

 

Pagimi i kompensimit nga sigurimi

 

Neni 22

 

          1.) Kur ndodhë rasti i siguruar, siguruesi është i detyruar që ta paguajë kompensimin në afat prej 14 ditësh, llogaritur nga dita kur siguruesi ka marrë informimin se ka ndodhëur rasti i siguruar dhe kur i siguruari ka paraqitur provat e domosdoshme per kompensim të dëmit..

 

Nëse për përcaktimin e detyrimit të siguruesit ose të shumës së tij është e nevojshme një kohë, ky afat fillon nga dita kur është përcaktuar detyrimi i tij dhe shuma e këtij detyrimi.

 

 

 

 

 

 

 

KALIMI I TË DREJTAVE TË TË SIGURUARIT NDAJ PERSONIT

PËRGJEGJËS NË SIGURUESIN (SUBROGACIONI)

 

Neni  23

 

Me pagimin e kompensimit nga sigurimi kalojnë në siguruesin të gjitha të drejtat e të siguruarit për kompensimin që ka ndaj personit që në çfarëdo baze është përgjegjës për dëmin, përpos në rastin:

 

1) në qoftë se personi i cili e ka drejtuar automjetin është përgjegjës, të njejtin e ka drejtuar me lejen e të siguruarit dhe atë eskluzivisht në territorin e Kosovës,

 

2) në qoftë se dëmin e ka shkaktuar personi në lidhje farefisi  me vijë të drejtë me të siguruarin ose për veprimet e tij përgjigjet i siguruari, ose që jeton me të njëjtën bashkësi familjare, ose prsoni që është punëtor i të siguruarit.

 

3)Personat nga pika 1 dhe 2 të këtij neni, të cilët qëllimisht e kanë shkaktuar dëmin janë të detyruar ta kompensojnë.

 

Në qoftë se dikush nga personat e përmendur në paragrafin  1  pika 1 dhe 2) ka qenë i siguruar nga përgjegjësia, i siguruari ka të drejtë të  kërkojë nga siguruesi i tij kompensimin e shumës që ia ka paguar të siguruarit.

 

Në të gjitha rastet e tjera të cilat nuk janë rregulluar me këtë nen, aplikohet direkt neni 939 i Ligjit për marrëdhëniet detyrimore.

 

Kompetenca në rast kontesti

Neni 24

 

 

Në rast kontesti ndërmjet te siguruarit dhe siguruesit, kompetente është gjykata komunale sipas vendit të lidhjes së kontratës per sigurim, nëse nuk eshte kontraktuar ndryshe.

 

Neni 25

 

Këto Kushte hyjnë në fuqi  ditën e miratimit dhe do të zbatohen prej ___/___/______/.