Esperanto en Dua Vivo

Second Life

Orientiĝi en Dua Vivo

Tuj post la aliĝo, via figuro troviĝos en “Help-insulo”. Tiu estas loko, kie eblas orientiĝi kaj lerni moviĝi en Dua Vivo. Estas utile pasigi iom da tempo en Help-insulo, kondiĉe ke vi konas unu el la proponataj lingvoj kaj povas profiti de la orientiĝa kurso.

 

Por eliri el Help-insulo necesas klaki sur search en la suba parto de la ekrano kaj poste sur popular places. De tie eblas viziti unu el la listigitaj lokoj, kaj finfine eliri en la mondon.

 

Moviĝi en Dua Vivo

Normala marŝado

Vi povas movi vian rolfiguron per la sagoj sur via klavaro.

 

Flugado

Por pli facila movado, eblas ankaŭ flugi; tio estas pli rapida, kaj havas la avantaĝon, ke ne necesas stiri vian rolfiguron ĉirkaŭ obstakloj. Klaku sur fly en la malsupro de la ekrano. Uzu la klavojn paĝo supren kaj paĝo malsupren por iri supren/malsupren, plus la kutimajn kvar sagojn por la direktoj. Por surteriĝi, premu stop flying en la malsupro de la ekrano.

 

Se vi perdiĝas

Ne maltrankviliĝu, se vi  perdas vian rolfiguron malantaŭ muro aŭ simile. Simple plupaŝu antaŭen, ĝis li/ŝi reaperos. Se vi troviĝas sub akvo, vi povas eliri aŭ paŝante antaŭen aŭ flugante.

Ŝanĝi vian aspekton

Tuŝu vian figuron per la indikilo, kaj klaku per la dekstra butono de la muso. Aperos eta fenestro. Klaku sur la vorto appearance. Aperos pluraj fenestroj, kiuj donos eblecon ŝanĝi la formon kaj koloron ne nur de viaj vestoj kaj haroj, sed ankaŭ de viaj vizaĝo kaj korpo.

Komuna trajto de Duavivanoj estas, ke ili ĉiuj aspektas junaj kaj belaj - efektive estas malfacile ne aspekti tia.

La plejmulto da loĝantoj de Dua Vivo preferas prezenti sin normale, sed aliaj elektas pli fantazian aspekton.

Komuniki en Dua Vivo

Babilado: oni povas “babili” kun ĉiuj, kiujn oni renkontas, simple tajpante komentojn en la strio kun la indiko chat.

 

Supersignoj: eblas aldoni supersignojn al viaj mesaĝoj en Dua Vivo per elŝuto de jena senpaga programo:

http://www.esperanto.mv.ru/Ek/

 

Tujaj mesaĝoj: eblas sendi “tujan mesaĝon” al homo, kiu tiumomente ne ĉeestas per instant message im. Tujaj mesaĝoj utilas ankaŭ por paroli kun ĉeestanto, sen ke aliaj legu la enhavon.

 

Voĉa komunikado: En Dua Vivo lastatempe aperis la ebleco komuniki voĉe. Por fari tion, evidente, necesas havi mikrofonon kaj eblecon aŭskulti. Ĝenerale la loĝantoj ŝajnas prefere skriban babiladon, sed voĉa komunikado certe necesas ekzemple dum la Esperanto-lecionoj, konversacia rondo kaj prelegoj.

Vizitindaj lokoj

Jen kelkaj interesaj lokoj por viziti en Dua Vivo:


Geothermal Lagoon:


sunbelt software (202, 202, 21)



Venice (Venecio):

 

 

 


Parioli (bela kvartalo por promenado):

 

 

 


Neufreistadt (ĉarma bavara urbeto, kun kastelo, tipaj domoj kaj konstante moviĝanta nebuleto). Iam estis tie Esperanto-centro, sed ne plu, bedaŭrinde:

 

 

 


Al Andalus:

 

 

Create a Free Website