Esperanto en Dua Vivo

Imagu Esperanto-grupon, kiun vi povus viziti en iu ajn tago kaj horo, kie vi ĉiam povus babili kun esperantistoj el la plej diversaj mondopartoj. Tia grupo ekzistas en la virtuala mondo Dua Vivo (“Second Life”). Ĝi nun havas preskaŭ 400 membrojn.

En Dua Vivo oni povas mem vagi en la formo de eta homfiguro (avataro). La mapo de Dua Vivo estas dividita en multajn malgrandajn terenojn, kiujn oni povas viziti. Multaj komercaj kaj kulturaj instancoj aĉetis terenon en Dua Vivo: ekzemple troviĝas tie la oficejoj de Reuters, Renault, IBM kaj Coca Cola; kaj la Sveda Registaro starigis tie virtualan ambasadejon.

Jen mallonga filmo pri Dua Vivo:

Virtuala Esperanto-kongreso povus iam estonte esti tre interesa alternativo por homoj, kiuj ne povas veni al la vera kongreso. Krome ĝi estus maniero por atingi la multajn homojn, kiuj aktivas nur enrete.

Kelkaj instancoj jam okazigis tie virtualajn konferencojn; vidu ekzemple la retpaĝon "Second Life Best Practices in Education".

Ankaŭ klasika orkestro el Liverpool en Anglujo organizis koncerton por loĝantoj de Dua Vivo. La koncerto okazis en halo, kiu estas preciza rekreo de la vera koncertejo de tiu orkestro. Jen filmo pri la konstruo de tiu halo en Dua Vivo: