Esperanto en Dua Vivo

Nuntempe en Dua Vivo estas pluraj interesaj Esperanto-centroj:

Erick Nykvist kreis la terenon Esperanto-lando kun kampadejo. Li planas konstrui tie ankaŭ konferencejon. Por bildoj de Esperanto-lando, vidu: http://metaversojlokoj01.blogspot.com/ 

Alia bela ejo Muse Centro de Esperanto havas spacon por babilado, dancejon kaj kunligojn al pluraj retpaĝoj pri Esperanto: http://metaversojlokoj02.blogspot.com/ 

Bonulo Rune konstruis sian domon en la japana tereno "Jokohamo MM21". Tie li donas informojn pri Esperanto al japanaj neesperantistoj.

              Esperantejo de Bonulo Runo

Nova estas Kunvenejo Bjalistoko, posedata de Bela Kanto.

                     Kunvenejo Bjalistoka

Estas ankaŭ kelkaj aliaj Esperanto-domoj. Ili apartenas al unuopaj Esperanto-parolantaj loĝantoj de Dua Vivo, kiuj disponigas ilin al esperantistoj.