Yeah!

22.07.2006

I be jetz ersch e Woche do ond bes jetz esch alles zemli easy gsi... Natuerli esch alles chli schreg... Dluet ehner zroghaltend... aber mer werd vo allne agluegt... ond zom Teil werd mer as oeppis bessers behandlet... Chender e de Schuel ond em Heim send sehr luut ond stoermisch... Di ganz Ziit stelles eim Froge ond si choenne ned mol mi Name rechtig usspraeche... Naja sZemmer esch au chli schreg... I penne of emene Strohbett ond das be nie weniger as 32 Grad Celsius. Zom gloeck ben i ne heikel... Di anderi Host esch zemli easy... wenn au chli schreg... si esch ehner brav... ond mega begeischteret vo de Chender... ond si machts de Lehrer au ehner schwer met erne Froge ond so... Naja si cha secher guet omgoh met Chender... het Sozialarbeiterin gmacht... aber frog mi glich ab ere... Hoffe di 2 esch chli meh Freak...

So das eigendli gsi... I be jetz Kalutara emene Internetkafi ond emmer hen send Pc schnaeller as die a de NKSA... Nachaene mache emr eus of de langi Waeg nach Galle a Strand wo mer es paar anderi Hosts traeffe... Hoffendli werd da cool...

Onde gsaend er no paar Belder... da waerde de velecht emmer meh...

26.07.2006

Leider han i mini Kamera deheim vergaesse. Ond i cha nor einisch e de Woche a Pc. So moend er halt no of di hammerfoetteli vom Strand warte. osch gohts mer zemli guet. Langsam chan i mi au a di hoeche Temperarure ond Loftfuechtigkeit gwoehne. Schuel geh esch wiiterhen easy nor das i vel zonkonsequaent be ond Chender loh loh mache was si waend. Zom Aerger vo minere Zemmerpartnerin. Di anderi Host esch am Sonntig dezuecho. Si esch vo England ond schafft en ere andere Schuel. Si esch chli easyier as di Ander. Naja Arbeit em Chenderheim gfallt mer sehr guet. Woell mer au sehr frei send ond choend mache was mer waend. Ond 3 Chend woerd i am liebschte metheineh. Das waers oeppe bes jetz. Das Wochenaend goem mer warschindli zom Adam`s Peek. Dasch ergend e Baerg wo mer am Morge am 2 4 Stond lang doruftramplet zom de Sonneufgang gseh. Mol luege.

07.08.2006

So au wedermol em Netz. Mer send letscht Weekend doch ned noch Adam`s Peek. Send defoer of Sigarya ond of Kandy. Mer haend de Tempel of the Toeth bsuecht (Buda`s Zahn), es Elefantewaisehuus, send go Elefante rite ond ebe de spezielli Baeg en Sigiriya. Esch no zemli nice gsi au met de Groppe. Das Wochenaend sem mer nomol of Kandy. Desmol esch sone Parade gsi. Zemli wechtig foer e Budismus. Am beschte luege der Belder ah. Di choeme aber warschindli chli spoeter. Tja esch chli bloed emmer met de Kamera. Sosch gohts mer eigendli zemli guet. Ha mi as Klima ond alles gwohnt. Das waers oeppe. (Aehhh wiso het die Tastatur kei ae, oe, ue... merde...)

15.08.2006

Also di neuschte News vo mer. Letscht Woche haem mer am Mettwoch frei gha woel Vollmond gsi esch. Cool. De sem mer enes zemli cools Hotel en Kalutara met Pool ond allem. Zemli nice gsi. Am Fritig sem mer denn e Raegewald vo Sinaraja. Esch zwar nice gsi das alles zgseh. Zom Bischpel e chlini extrem grueni Schlange oder e 10 cm Tusigfuessler aber leider hets doet zemli agressivi Bluetegel gha wo eim sofort Bei ufkroche send. 2 haend mi besse. Ond i ha zemli Angscht gha. Di send woerkli oeberall of em Waeg gsi. Naja am Sonntig sem mer e Nationalpark vo Yala. Aber osser s paar Elefante, Affe ond Voegel haem mer nuet gschids gseh. Hmm i haet gaern e Leopard gseh. (ned lache di gets doet woerkli!) So das waers oeppe gsi. Belder choeme spoeter.

22.08.2006

So wedermol en Itrag. Aso da Wochenaend sem emr weder am Strand vo Unawatuna gsi ond es esch weder so schoen gsi! Sosch send jetz grad Schuelferie, da heisst i muess nor vom 10i bes am 2i em Heim schaffe. Dasch no easy nor leider han i denn end sovel ztue osser omehocke. Naja vel Ziit zom nodaenke. Sosch lauft eigendli alles guet. Wiess eigendli gar noem wa schribe. Das Wochenaend goem emr vorussechtlech nach Ella ond velecht go World's End aluege. Doent cool... hehe mol luege wes werd!

01.09.2006

Jetz han is au wedermol es Internet gschafft. Aso letscht Wochenaend sem emr nomol nach Unawatuna. Ond es esch zwar chli lahm aber trotzdem weder schoen gsi. Get halt glich nuet schoeners als Meer ond Strand. Ond am Maendig haem mer Schuel gschwaenzt ond send of Colombo go shoppe. Dasch voll cool gsi. Doet gets Markechleider foer nuet. Naja sosch esch di Wocher ehner ruhig verlaufe osser das am Mettwoch di einti Host, die vo England aentgoeltig abgreist esch ond mer jetz bes am 9. Septaember weder 2. send. Naja ond Vorgeschter haem mer e eusem Zemmer  e risigi Spenne gfonde. Esch oeppe 10 cm gross, gseht chli us wie en Vogelspenne ohni Hoor ond laebt em omaent hender eusem Chaschte. :-( Wenigschtens esch si ned geftig ond mis Bett stoht a andere Aendi vom Rum. Da waers oeppe gsi. Das Wochenaend ham mer erschtmol kei Plaen werd also ehner ruhig.

09.09.2006

So au weder em Internet. Die Woche esch eigendli end sehr vel passiert. Letscht Wochenaend haem emr nuet gmacht, aso ben i am Samstig elei of Panadura chli go shoppe ond nachaene no enes Luxushotel. S`Waetter esch leider ned so hammer gsi. Tja. Am Sonntig sem mer nor omeghaenget. Sosch ben i wie emmer schoen go schaffe. Hmm am Donstig esch Vollmond gsi. Dasmol sem emr e Taempel ond haend de ganz Tag baettet. Wow jetz werd i denn au no heilig. Nei esch ehner langwilig gsi aber defoer ham mer mol e Ibleck e di buddistisch Kultur becho. Da Wochenaend haem mer weder nuet gmacht. Drom ben i jetz em Internet. Hmm langsam werds langwilig. Emmerhen ha i jetz 2/3 henter mer. Jo ond am Maendig chonnt di neui Host mol luege we die so werd.

12.09.2006

Scho weder do. Ha eigendli gar ned vel verzelle. Damet da Weekend ned so langwilig worde esch ben i am Sonntig elei nach Mont Lavinia enes Luxushotel. Dasch zemli cool ond luxurioes gsi. Am Maendig esch den di Neui cho. Esch zemli naett. 18i, vo England. Sosch ben i jetz elei e de Primary School woell mini Kollegin e Chendergarte gwaechslet het. Dasch eigendli au besser so. Naja das waers scho gsi. Jetz han i no chli weniger as 4 Woche vor mer. Aso e zemli chorzi Ziit. Noechst Wochenaend goem mer of Ella go ergendwelchi Wasserfaell aluege oder so. Hoffe da werd cool.

18.09.2006

Wedermol em Internet. Aso das Wochenaend sem mer au woerkli of Ella. Dasch sones chlises Baergkaff met es paar Wasserfaell ond ere hammer Ussecht oeber halb Sri Lanka. Esch no cool gsi au vo de Luuet haer. Esch no Duetschi gsi ond 2 Hollaenderinne. Aso ned alles voll english. Di Neui het sech leider ned so rechtig iglaebt. Em Momaent esch si am schwanke oeb si weder hei soell oder ned. Tja. Noechst Wochenaend haem mer amu plant nomol a Strand zgoh. Warschindli mis letschte mol. Hoffe da werd cool.

27.09.2006

So das esch jetz oeppe de 2. letschti Iitrag vo Sri Lanka. Da Wochenaend ben i nomol, sletscht mol en Una gsi. Ons ha fasch end waeg wele. Naja esch ned sones speziells Weekned gsi, osser das i be go schnorchle ond es paar Meeresscheldchroet gseh ha ond zemli vel schoeni Fesch. Nor Koralle send leider ned so schoen gsi ond sMeer esch zemli onruhig gsi. Sosch esch di woche eigendli ehner normal gsi. Be meischtens elei am Chenderheim gsi. Ond dasch ergendwie besser gsi. Sosch han i mi ehner glangwiliet e de Schuel. Aber morn goem emr of e Schuelusflog ond am Obe wott i no Karatestond vo de Heimboys luege. So as Plaen foer di letschte paar Taeg. Snoechst Wochenaend goem emr of Kandy. Nomol. Mer send glaub zemli vel vo de Organisation ond i hoffe da werd cool.

03.10.2006

So dasch mi letschte Iitrag do vo Sri Lanka. Letscht Wochenaend sem mer nomol of Kandy. Ha nomol s`Pinewala Elephants Orphenage gse ond e be chli go shoppe. Esch no nice gsi. Sosch han i jetz afo packe ond alles. Morn gang i letschtmol go schaffe ond am Donnstig gnuess i mi letscht Tag emene Hotel en Kalutara. So as Abschloss. Naja so as letschts. Es send woerkli cooli 3 Monet gsi, ha vel gseh ond vel erlaebt ond velecht au chli oepis glehrt. I hoffes mol. Hmm i werde Sri Lanka ond das alles do amu secher vermesse... Naja... Merci a alli wo so maengisch gschrebe haend, foer Paeckli ond Briefe ond alles... See you soon... hehe mis english esch ned vel besser...