ANARSHAHBAZI2007

BU SITE ANAR SHAHBAZI NIN KHUSUSI SITI DIR VA BURDAN SHAKIL VA YA MATLABI UNVANSIZ GOTURMAK DUZ DEYIL

farhad shahbazi - sherlar

sherlarفرهاد شهبازي 1دوستاق اولسايديمداها ياشاماقا يئر آرامازديمدوستاق اولسايديمداها اؤلمگ اوچون واخت ايسته مزديمبير من اولارديمبيرده آزادليق 2توپوغومون بوغازيندا قالدي هئييمآچيلماديزنجير ايليآغير كئييم. 3سئومك ،گؤر ، نه ساياقاولوبدور ياساقآنامين لايلاسينسئوه بيلميره م. 4بئله ديريليگي گؤزوم گؤره نده اؤلمه ييم گلير . 5سئودا چارپازي چكيلميش كؤنلوموسيخديم اووجومداكئچديم كوچه زده ن ;بير كيمسه بيلمه سينسيزين يئرلرده ايستك ،يابانجي دير . 6يئريشلريم اوزونلوغوباخيشلاريم توتوملوغوفيكيرله شيره مبير ال يازيمليغي ، يازا بيلميره م . 7آذربايجان ;كوله دؤنموش اوجاقداريسقال بوجاقبيز هارا قاچاق بيز هارا قاچاق. 8بير گون بودونيا يئتيم قالجاقدير بوتون توپلاريلا توفك لريلهقانا يئريهله ميش ، قيندان اوزولموش نيفرت لريله ، كينه لريله يئتيم قالاجاقدير بيز اولماياندا. 9دؤرد بوجاقلي بير داريسقال گون باتان بير سميرسيز ياز گونوباخيشيم توتوملو بير ايلغيم دؤرد قوجاق داريخماغامني قوناق چاغيرير;تانرييا سئوگييه حئيرته سنه . 10بير آللاه اوره يي توتوملو دؤزوملهسئوديم سني يوز ايلده ن بري .عؤمروم ;قورخو يوكلو كاروان اولدو .سنين سئوگين ،اوره ييمي سيخدي منيم ،گؤزلريمي سيخان كيمين آغير يوخو.سئوديم سني -اوشاقليقدا ائشيتديگيم ناغيل تكين . قورخدوم سن ده ن كئچه جه يه قاييتماقدان يورودوم سنه ، گله جه يه يئريهله ميش دونيا كيمينياواش ياواش .سنه دوغرو اوره ك سوردوم عؤمور بويو . 11من ده ن گئري آخ ، آي آراز داشيرارام آخسام ايه ر من ده ن گئري شاخ اي شيمشك يانديرارام شاخسام ايه ر من ده ن گئري ، من ده ن گئري آخين ، شاخين .مين آرزويا يئتيشمه ميش بير وولقانامبوياق ايتيرميش بير قانام منده ن گئري ، منده ن گئري آخين ، شاخين . 12هاچانا ده ك ،ياشيل سئودام ; دؤشلرينين دؤشلرينده بيتمه لي دير!؟هاچاناده ك ،باخيشلاريم ;گؤزلرينين لپه سينده ايتمه لي دير !؟هاچاناده ك !؟هاچاناده ك ،ماوي ايستك ، ماوي دويغو ،بومبوش قايغي اوچوشونا اوه ييني آچمالي دير ؟هاچاناده ك ،بير كيمسه ني ياشامالي بير ميسه ني سئومه لييه م ؟سن ;چوروموش بير تانري سان .هاچاناده ك ،اسكي سئوگي اسكي باخيش اؤنونده من ;اؤلومومو ياشاياجام هاچاناده ك ؟يوللار اسكي ، تورپاق اسكي ،بو گئديشله بير ايزيمده قالماياجاق قالماياجاق قالماياجاق . 14آغير آغير بير صاغير كولك آياقا قالخير .بير قارا باليقنظر مونجوقو اولور آسيلير دنيزين بورولقانيندان كؤكونده ن قوپارير يوواسينين سونونجو چؤپونو بير ساري كؤينگ اؤرتور قارا اؤرپه گ.بير قارا آت ائشه نهلئيير بير ساري كؤپه ك اولايير باخيرسان !قوزئي ده ن قارالتي گلير هئي ........قارا خبر تئز گه لر چوخ چه كمه زگونش داردان آسيلار . 15اوجالديق گؤيلره ديلسيز ، ديلك سيز،آغير كؤلگه سالدي وارليغيميزا ديلسيز ديليمزسس سيز ، سمير سيز . 16اولو آنام ;غوربت ائلده ،آنا ديلده ،ديل لر تؤكه ن كؤرپه ني سئوديگيم قده رسئويره م سني . 17ماهني لاريم ايراق دوشدو قوپوزومدانسن گئده ركن ، دوداغيمدا باياتي سولدوقاشلاريمدان آسيلديلار آغيلار داش تكتار گؤزومده ، آغ گونلرين حياتي سولدوبري چنلي چاغ قالمادي كي سني گزمه سينچينقيلليغا دوشدو عؤمور ، قير آتي سولدو بيرجه سن ده ن منه قالان ، خوليالاريديگؤز قيرپماميش خوليالاردا قات قاتي سولدوايندي منله ، قارقيشلانميش بو يئر كوره سياينانميريق آيريليغين دواتي سولدو. 18 ياس ياسه باتدي ، لاله ساچين يولدو ،گلمه دين !گول لر سارالدي ، سرو و سمن سولدو ، گلمه دين !ائي كؤنلو ياز طراوتي ، ائي سئوگي نغمه سي ،گوللو چيچكلي آرزو، خزان اولدو ، گلمه دين !ديل ; ناله ايله اوره ك ;غمله، درديله گؤز ;آيريليقلا ، حسرتيله دولدو ،گلمه دين . 19ايبليس قولتوقوندان اوزانان ال لرچارميخا چكديلر ، گؤزل سارانيخان چوبان ، او تايدا ، سارا ، بو تايداايبليسين چيرك قاني كسدي آراني ياساقدي ياشاماق ، ياساقدي اؤلمگسؤزو دوستاقدا اولان ، سئل لر قيزيناقوخولو نفس لر ، " ............" يباغيرير ، هايخيرير ، ائل لر قيزينا. اره نسيز گؤزه له ، دوشمن خور باخيرسئوگيسين سومورور ، سئوداسين ياخيرهارداسان خان چوبان ، قالخ بير آياغاچانقاللي ديشلرده ن تورك قاني آخير. گلينلر گليني ; آي گؤزه ل ساراتيكيلميش ديلينله ، هارايلا خاني امين اول بونا كي ، گله جك بير گون خان اودلار ساچاجاق ، سؤكه جك داني "اره نلر دوستاقدا ، بايوندور دارداچاغير ده ده قورقوت قوپوزون چالسينكوراوغلو هاياندا ، نبي هايانداهئچ اولار ائل اوبا ، قوچاقسيز قالسين ."20مني تيكه له يين اولدوزلار قده رباشلارا چئويرين هر بير تيكه ميصاباح دان اولدوزو ، باتمادان قاباقگئجه لر توتوملو دارلاردان آسين ،گونشي آسمايين ، نورو آسمايين .مني تيكه له يين دونيالار قده رچئويرين آغيزا هر بير تيكه ميآج سوسوز ياشادين يابانلار تكين سئوگي نين ، ايسته گين كؤرپه لريني سوسوز ياشاتمايين ، سوسوز قويمايين .مني تيكه له يين تورپاقلار قده رلال داشا چئويرين هر بير تيكه ميقويون ياشاسينلار ديل سيز ، ديلك سيز آنجاق باغلانماميش نوطفه لريده ديل سيز ياشاتمايين ، ديل سيز قويمايين .مني ديليم له يين آيريليق قده ر هر بير ديليميمي ، سورگون ائيله يين تكي سيز آيريليق، تكي سيز نيفرت قارداشي قارداشدان ، جيه ري جاندان آيري ياشاتمايين ، آيري سالمايين .آي بايقوش نفسلي قوجا جللاد لار خارابالار قده ر مني دوغرايين قوخولو نفس له هر بير تيكه مه آغير كولگه سالين آغير يوك سالين آنجاق ،آند وئريره م سيزي نيفرته يئني آياق توتان سئوگي باشينداگلين اولامايين گلين دورمايين . 21اوزموشه م حسرت دن ال ،حسرت قاليب ،حسرت منه . 22دوشونمه ديگيم آنلار ;سيزي ،گؤي اسگييه توتولموش ،گونومدن سورورام دوشونمك ،اؤلمك دير ، اؤلمك . 23دونيانين ، ايچيم ايچيم ،درد سوزولن ياشاييشي بئليمه چاتيليب .ائله واخت اولور ،بو سؤزلره گولوره م .ائي ....گؤزلريمدنداملا داملا آخيتديقيم قان ياشلاريگؤر ، نئجه ياشاييش ، گولونجه چئويرير. 24اوره ك قالماييبدير نه ياشاماقا ، نه ده اؤلمه گه .عؤمورده ايكي ايل ،قان ائتدي باغريمي ،اولمايان كيمي.بو سوسموش قلبيمده بير ايستك ياتيب: بير هاراي چكم باتا قولاقلاري بو ايكي ايلين . 25اليم هر يئرده ن اوزولوركناته گينده ن ياپيشديقيم آياغيم هر قاپيدان كسيلركن درگاهينا گووه نديگيم.آديني سسله ديگيم سئوگي ني بسله ديگيم وارليغيم ، واريم اولو تانريم بيرجه گووه نديگيم سن سنبيرجه آللاهيم سن .قييدين تك قاليم قیيما سن سيز كئچه تك ليگيم باري ائي منيم وارليغيم ائي اولو تانريم . 26بوتون وارليغيملا سئوه جه يم سني ،سوسقون باخيشلارينا سولغون صيفتينه ، چارتلاميش دوداقلاريناگؤزوم دوشنده ياشاييشيم واراقلاناجاق .عؤمروم بويو ،ايزله يه جه يم ،پوزغون يئريشلريني تيتره ك باخيشلاريني .گؤزلريمين قاراسيلا باخيشلاريني صيفتيني و دوداقلاريني شئعريمه هوپدوراجاقام ابدي بير حيات تاپاجاق شئعريم منيم .سني ،ائله ياشاياجاقام سطير سطيرسني ائله دوياجاقام كلمه كلمه و آچيلماز دويونه چؤنه جكباخيشلاريميز صيفت لريميز و دوداقلاريميز. 27اللريني چالما ساچلارينين تئلينه قيما ;دوداقلاريندان كؤچموش تبسم لرينينماهني سيني دينله ييم ايچين ايچين آغلاتما مني بوزلاتما منيمن ;سنين ساچلارينا دوشن ده نه م اوره يينين قاداسين آلديغيم اوره يينده كي يورغونلوغام اولماسين ،اوره يين قوجالسين صوراتين كيمياومودون هئي ده ن دوشسون ديزلرين كيمي ...آند اولسون ياشيناياشاماديغين بو اوزون حياتسنينله قات قات دوغماديربو غوربت دنيزي دويقولاريمي چولقالايان چاغلاريمدااللريني گؤزلريني اؤپوم اؤپوم اؤپوره م . 28بير سطير ياشاميشام آلنيمين يازيسينداناودا كي ;: "گؤز آچميشام حياتا " سونرا ، ال لري قلم توتمايانلار حياتيمي ، پوزوبلار سطير سطير بير حيات ياشاديبلار ايچيمله ، يابان يابان يابانجي .زنجير ايلي بير حيات .و من ، ايندي ،پوزولموش حياتيمي كؤرپه اللرله آلنيمدا كي ياد قيريشلار آرا ،آراييرام اؤزومه اوخشارسيز گئجه لريمده گوندوزلريمده . 29ايكي لال گؤزون آغيز بيغيز حسرتيله دولموشام باخيشلاريمدا دويونله نن حئيرت لري بو توتقون چاغلاريمداسيغاللايا .حياتيما باخديقجاحئيرت ياغير گؤزلريمده ن گيلدير گيلدير.بو حياتدا قوجاق قوجاق ائتمه ديگيم تجربه وار. حئيران قالميشام عاجيز ليگيمه . دولموشام سورغو سووال لا .بو آخشام چاغلاريندانه بير سوسقون باخيشلي همدميم وار اوره ييمي آچماغا و نه ده ،بيئنيمين قيچلاريندا هئي ،حئيرتين حاصاريندان قاچماغا . 30 حيات ;يئردن غريب دوشه ن آزادليق تك عؤمرومدن غريب سن ، غريب . 31وار گوجونله اوره ييمده بوروق بوروق كؤك سالميبسان عاجيز گؤزلريمه بو حياتين هر بير آنين ياشاماق معجيزه گلير .ايندي ،من ;كيملرسه منه ياپديغي منلرين اورتاسينداايتيرميشم اؤزومو .ايسته مه دندامارلاريمداآخيديبلار قانلارين دومانلي دوشونجه لرينه قول ائديبلر ال لريمي .چنلي باخيشلاريناكؤله ائديبلر آياقلاريمي .حياتلاريني ياشاديبلار حياتيمدا .اؤلومومو ياشاديبلار اؤلوملرينده .دوداقلاريما زنجير چيله ييبلر ،گؤزلريمه قازامات و اوره ييمه ، سني كي بوروق - بوروق كؤك ساليبسان .من ;عؤمرومون لاپ ايلك چاغلاريندابوغولميشام .باتيب قالميشام كؤرپه ليگيمده .كؤرپه يه م بو حياتدا من سئوگي لريم نيفرت لريم بوسبوتون دويغولاريم كؤرپه ديرلر .دونيام كؤرپه دير ياشلي ياشلي ياد و گئنيش دونيالار- ايچيمده قالاخلانا قالاخلانا .تكجه ،حئيرتيم قوجادير كؤرپه كؤرپه سئوگي لريم ايچيمده بوغولا بوغولا . 32بير گون عصيان ائده جه يم گؤزلرينيزه .و ،گيزلين گيزلين قورخا قورخا ياشاماغا سون قوياجام .دويونجان ياشاياجام اؤزوموگيزلنمه دن قورخمادان .اوندا ، سيزين گؤزلرينيز منيم عصيان اودومدا چارتداخ چارتداخ چارتداياجاق . 33نه کئچدییم یئرلرده گؤرموشم گؤزلرینینه یاشادیغیم آنلاردا .هاردان سنین گؤزلرینله تانیشام.وارلیغینی دویورام وارلیغیم کیمی یوخلوقونو گؤروره م آللاهیم کیمی.گلمه یینی گؤرله ییره مچیلغین چیلغین .گل ;بو توتقون توران چاغلارینداکؤرپه سئوگیمی گؤزلرینه چیله ییمشئعریمی تکجه سنه اوخویومگل ;بو توتقون چاغلاریمدا چیلغین باخیشلارین سولغون صیفتین و چارتلامیش دوداقلارین دوداقلاریمی باخیشلاریمی و شئعریمی ایزله سین سطیر سطیر .سناوخونمامیش بیر شئعیر سن من یازیلمامیش .گل ;اوخویوم سنی شیرین شیرین گل یاز منی بیر دیوانا کلمه کلمه . ( 1379 - 1374 ) موغان - فرهاد شهبازي

Get a Free Blog Site at Freewebs.com!