 |
|
|
|
KSO Shillong Constitution Hetlouva Poimo Ho:
|
|
|
|
“India sah-solam gamkai chom chom’a hungkon Kukite Shillong le akimvella umho lungkhat thakhatna kitoh della kaki loikhom nao Kuki Students’ Organisation ahi. Themjilna lamma bidoi kichentah nei’a, gam-le-go, Chi-le-Nam ngailuta, Nampi Sutpi-Sutlai’a hung pang’a, a imatih-a malam nojing thei nadin hiche kivaipohna Daan (Constitution) hi tuni nikho 27, alha Lhajing, Pakai kum Sangkhat Jako Somget le get (1988) nin keiho le keihon keiho dingin Kaki-Sem taove”.
|
|
|
|
Art. 5. Hiche kiloikhom nan atup le adoi pipen chu kiloikhomna-a kon’a member jousen imalam jouse a khantouna le machalna aneiding ahi. Hiche molso jou nadinghi anoi’a cheng hi tup ahi.
(i) Themjil na lam chom chom a kitilkhouding, lampi kihil toding, kipuitoding;
(ii) Paochoi lamma kitil khouding;
(iii) Kingailut punbe nadinga kichep golseh chom chom bolding;
(iv) Simlai kiloikhom na dangtoh kihet themding; Akhoh dungjui’a pankhom’a, kithokhom ding;
(v) Kuki Nampi min choi atna dopsang jing ding;
(vi) Munchom’a Kuki te phatchomna ding le machal nading’a Kukite kiloikhomna hotoh kihet to ding, kithokhom jingding;
(vii) Jat le Nam, Gam le Guo ngailutje kihil ding, kimapui jing ding;
|
|
|
|
Chapter -3 (Min-Khumna le min-kahna)
|
|
|
|
Art. 6. Hiche kiloi khomnan ahoup sung’a Kukite simlai hojousen minkhumna aneithei ding’u ahi.
Art. 7. Simlai hilou ho (natoh na neiho, sumkolveiho, etc.) ho co-member hithei diu ahi.
Art. 8. Mikhat’n minkhum nading’a apehding jat Dangka hi aphat dungjui’a lamkai hon atep diu ahi.
Art. 9. Koitobang’in kiloikhomna Dan juilou’a, apeh ding dol, atuo dingdol chule ngaichat ho jouse asuh bulhit lou leh member ahina a kon’a kikah ding, hiche ni a pat’a chu KSO (S) in ama chung’a
mopoh na anei lou ding ahi.
|
|
|
|
Chapter-9 (Disciplinary Action)
|
|
|
|
Art. 33. (i) Koi hileh KSO(S) Daan toh kitoh lou’a chon aum leh achung thu kisei ding ahi.
(ii) Atoh khiel dungjui’a ‘First and Last’ Warning ahilou leh Direct-Expulsoin (nodohna) changei’a thu tanna umding ahi.
(iii) Koi hileh (Individual or Group) KSO(S) in achung thu kisei aum leh Dangka Zani, Rs 200/ Court fee apeh ding ahi.
(iv) Achung thu kisei nung’a koi-tobang thupha ijat hin choijong leh kisan peh lou ding ahi.
(v) Achung thu kisei nung’a thu kitan palkeh aum
leh anoui’a cheng hi hetsah na kinei ding ahi.
(a) Akaina Institution/Department Head,
(b) A umna inn neite leh local Headman,
(c) Local press/News paper.
(vi) Hiche chung chon’a apotlou/thungailou aum leh KSO(S) in toh-thei thei kitong nalai ding ahi.
(vii) KSO(S) sung hihen, kiloikhona danga members (S) toh kikal’a boina ana umhen lang, amaho kah sung’a kicham-na ana nei tajong leu KSO(S) in achung thu seina anei thou thou ding ahi.
| |
| | | |
